პროექტის მიზანია სამოქალაქო საზოგადოების გაძლიერება საქართველოში და მოსახლეობაში პოსტ-ტოტალიტარული მენტალიტეტის დაძლევა, რომელიც ხელს უშლის ლიბერალურ-დემოკრატიული ფასეულობების დამკვიდრებას ქართულ საზოგადოებაში. პროგრამაში გათვალისწინებული მიზნობრივი პრობლემები მოიცავს:
ეთნიკურ ნაციონალიზმს და ქსენოფობიას, რომელიც ხასიათდება ცრურწმენებით მეზობელი ერების მიმართ, ქვეყნის შიგნით უმცირესობებს და ფართოდ გავრცელებულ ეთნიკურ დისკრიმინაციას, გენდერულ დისკრიმინაციას ოჯახური ძალადობის ჩათვლით, და სხვ. ამგვარად, პროგრამა გულისხმობს მრავალფუნქციონალური ქსელის ამოქმედებას, რომელიც მოახდენს სამოქალაქო საზოგადოების აქტორების ძლიერი გუნდების სინერგიას, რომლებიც თავის მხრივ სისტემურად და პროფესიონალურად იმოქმედებს შერჩეულ საქალაქო ცენტრებში, განსაკუთრებით მაღალი რისკის ზონებში მოსაზლეობის განათლების და ინფორმირების მხრივ.
(კოოპერატივის წევრი ქალები; კოოპერატივის და ფერმერთა სახლის წევრი მამაკაცები)
პროგრამის "ახალქალაქის სოციალური და მარკეტინგული კავშირები" მიზნები იძლევა იმის საშუალებას, რომ ვიყოთ მოქნილი და მყისიერი რეაგირება მოვახდინოთ ჩვენი სამიზნე ჯგუფების პირდაპირ საჭიროებებზე. Uგაძლიერებისა და შესაძლებლობების ზრდის კომპონენტის ფარგლებში ჩვენმა ორგანიზაციამ, კონფლიქტებისა და მოლაპარაკებების საერთაშორისო ცენტრმა (ICCN) ინტერვენციის სტრატეგიის გადახედვა მოახდინა და პრიორიტეტების ახლებული ხედვა ჩამოაყალიბა გასული წლის სექტემბერ-ოქტომბერში. ხელახლა განისაზღვრა ჩვენი სამიზნე აუდიტორია და მასთან მუშაობის სტრატეგია. ჩვენი ორგანიზაცია პროგრამის სოციალური კავშირების კომპონენტს აძლიერებს, რაც მარკეტინგული მიმართულების განვითარებისა და წარმარმატების მნიშვნელოვანი საწინდარია. უშუალოდ თემთან, პირდაპირ სამიზნე ჯგუფებთან ფერმერთა კოოპერატივებთან და ასოციაციებთან, სასოფლო-სამეურნეო სერვის-ცენტრთან, ადგილობრივი თვითმართველობის ორგანოებთან მუშაობა ჩვენი ძირითადი პრიორიტეტია.
მსოფლიოს ფედერალისტთა მოძრაობის (World Federalists Movement) მიერ დაფინანსებული და 2005 წელს დაწყებული პროგრამა მიზნად ისახავს სამხრეთ კავკასიაში ქმედითი კოალიციის შექმნას რომსის სტატუტის რატიფიკაციისა და განხორციელებისათვის და ასევე, ადამიანის უფლებების დაცვის სფეროში ICCN– ის როლის შესაბამისად გაცნობიერებისთვის.
ადამიანის უფლებათა ცენტრი მუშაობს სემინარებისა და ვორქშოპების გზით, უმცირეოსაბათა და უმრავლესობათა ჯგუფებს შორის დიალოგის ხელშეწყობაზე. ვორქშოპის დროს შესასრულებებლი დავალებები მიმართულია ისეთ სენსიტიურ საკითხებზე, როგორიცაა რელიგიური ესტებლიშმენტების რეგისტრაციის კანონი, რელიგიური ისტებლიშმენტების სტატუსი და რელიგიური განათლება საქართველოს საშუალო სკოლებში.
