2008 წლის დეკემბერში ჯორჯ მეისონის უნივერსიტეტმა უმასპინძლა სამშვიდობო პროცესის - "თვალსაზრისის"ქართველ და ოს მონაწილეებს. შეხვედრა შედგა უნივერსიტეტის კონფლიქტების ანალიზისა და გადაწყვეტის ინსტიტუტის დასასვენებელ/საკონფერენციო სახლში (მეისონ ნექი, ვირჯინია). ამ შეხვედრით დაიწყო დისკუსიების სერია, რომელმაც გააფართოვა მონაწილეთა თვალთახედვა 2008 წლის აგვისტოს ომის შემდგომ დაპირისპირებულ მხარეთა შორის ნდობის აღდგენის შესაძლებლობათა შესახებ. "თვალსაზრისის" შვიდმა შეხვედრამ მის მონაწილეთა შორის მრავალი საერთო პრობლემა წარმოაჩინა, რომელთაც, შესაძლოა, მხარეთა შორის ნდობის აღდგენის პროცესს შეუწყონ ხელი. ქართულ-ოსური დიალოგის - "თვალსაზრისის" შეხვედრები კვლავ გრძელდება და მათი მთავარი მიზანია ორივე მხრიდან შეკრებაში მონაწილე ანალიტიკოსებისა და ადმინისტრაციის წარმომადგენლების მხრიდან ახალი, ორივე მხარისათვის კონსტრუქციული, საერთო პრობლემები წარმოჩენა, კონფლიქტის დინამიკის შესახებ აზრის ურთიერთგაზიარება, რომლებმაც საბოლოო ჯამში თავისი წვლილი უნდა შეიტანოს სამხრეთ კავკასიისა და რეგიონის მშვიდობისა და უსაფრთხოების საქმეში.
24–28 ოქტომბერს, ნიუ იორკში GPPAC (გლობალური პარტნიორობა შეიარაღებული კონფლიქტის პრევენციისთვის) ინიციატივით მოეწყო სამუშაო შეხვედრა GPPAC ქსელში შემავალი სხვადასხვა რეგიონის გენდერის ადგილობრივი წარმომადგენლების მონაწილეობით.
27 სექტემბერს სასტუმრო "ამბასადორში" ცენტრალურმა საარჩევნო კომისიამ საზოგადოებრივი საკონსულტაციო საბჭოს მორიგი შეხვედრა გამართა. შეხვედრაზე ცენტრალური საარჩევნო კომისიის თავმჯდომარემ საბჭოს წევრებს 2011-2015 წლების სტრატეგიული გეგმის პროექტი წარუდგინა.
"საქართველოს კონფლიქტებში პროგრესის მოკლე ვადაში მიღწევის გეგმა" წარმოადგენს ამერიკის პროგრესის ცენტრის მიერ მომზადებულ ანგარიშს (
კონფლიქტებში პროგრესის მოკლე ვადებში მიღწევის გეგმა და საერთაშორისო საზოგადოების როლი - ამ საკითხზე "ქორთიარდ მარიოტში" გამართულ კონფერენციაზე იმსჯელეს. შეხვედრაზე სპეციალური ანგარიშიც განიხილეს.
პროექტი – "მომავლის ახალგაზრდა ფასილიტატორები" დაფინანსდა ევროკავშირის/COBERM/UNDP მიერ, როგორც წინამორბედი წარმატებული პროექტის, "ჩართულობა დიალოგის გზით" გაგრძელება. ამ პროექტის ფარგლებში დაგეგმილია, როგორც ადგილობრივი, ასევე საერთაშორისო ტრენინგები მათთვის, ვინც ქართულ-ოსურ-აფხაზურ დიალოგში მიიღო მონაწილეობა. პროექტის მიზანია ახალგაზრდა პროფესიონალების სწავლება და მათი გაძლიერება, რათა მათ თავად შეძლონ დიალოგისა და შეხვედრების წარმართვა კონფლიქტით დაყოფილ მხარეებს შორის.
ტრენინგების სერია დევნილი მოსახლეობისთვის და იმ ადამიანებისათვის, ვინც 2008 წლის საომარი მოქმედებებით დაზარალდა გრძელდება. იგი EED-ის მიერ არის დაფინანსებული და უკვე მეორე წელია რაც მიმდინარეობს. უკვე ჩატარდა ტრენერთა მოსამზადებელი ტრენინგები, ტრენინგები ქალებისათვის და ახალგაზრდა ლიდერების გასაძლიერებლად. 2011 წლის 12-14 აპრილს, გორში ტრენინგის II ეტაპი “ახალგაზრდა ლიდრებისათვის ფასილიტაციასა და მედიაციაში” ტრადიციულად, IССN-ის პარტნიორ ორგანიზაციაში - “ძალადობიგან დაცვის ეროვნული ქსელის შიდა ქართლის კომიტეტის” ოფისში იყო ორგანიზებული.
ამა წლის 15 აპრილს რადიო პროგრამაში ”გამარჯობა აფხაზეთო” (FM105.0) საინტერესო საუბარი წარიმართა სახალხო დიპლომატიისა და ქართლ-აფხაზური ახალგაზრდული დიალოგის ირგვლივ. საუბარი იმ პროექტის შედეგებსაც შეეხო, რომელიც 2009 წლიდან - ევროკავშირის, გერმანიის საგარეო საქმეთა სამინისტროსა სხვათა ხელშეწყობით ხორციელდება სასწავლო ვიზიტებისა და დიალოგის პროცესის სახით.
აფხაზებთან და ოსებთან დიალოგში ჩართული საზოგადოება კომუნიკაციების წარმოებასა და კონფლიქტების სწორად მართვის მექანიზმებს ეუფლება. "მომავლის ახალგაზრდა ფასილიტატორები" ერთად ცდილობენ საკუთარი წვლილი შეიტანონ კონფლიქტურ მხარეებს შორის ნდობის მშენებლობასა და ურთიერთ კონტაქტის დამყარების პროცესში.მოლდოვის საერთაშორისო შეხვედრამდე რამდენიმე თვით ადრე კი ყველა მხარე სპეციალურ ტრენინგებს გადის.