კონფლიქტებისა და მოლაპარაკებების საერთაშორისო ცენტრი (ICCN)

"სოციალური კვლევისა და ანალიზის" ინსტიტუტმა სოციოლოგიური გამოკითხვა ჩაატარა.

"სოციალური კვლევისა და ანალიზის" ინსტიტუტის მიერ ჩატარებული სოციოლოგიური გამოკითხვის თანახმად, არსებული ხელისუფლების მხოლოდ არჩევნების გზით შეცვლა გამოკითხულთა 75,7%-ს რეალურად მიაჩნია.

ამ ეტაპზე ხელისუფლების არანაირი გზით ცვლილებას არ ელის რესპონდენტთა 12,2%.

ხელისუფლების მიერ არჩევნების გაყალბების შემთხვევაში, მისი რევოლუციის გზით შეცვლას რეალურად მიიჩნევს 3,6%; ხოლო 3,2%-ის აზრით, არჩევნებამდე რევოლუციის გზით ხელისუფლების შეცვლა რეალურია.

კითხვაზე, როგორია თქვენი პოზიცია ხელისუფლების შეცვლის გზებთან დაკავშირებით, გამოკითხულთა 5,3%-ს პასუხის გაცემა უჭირს.

კითხვას, რა მოლოდინებს უკავშირებთ პოლიტიკაში ბიძინა ივანიშვილის გამოჩენას ქვეყნის მომავალი განვითარებისთვის, 52,8% პასუხობს - ივანიშვილის სახით პოლიტიკაში მოვა ახალი ძალა, რომელიც ქვეყანაში ვითარებას უკეთესობისკენ შეცვლის.

www.interpressnews.ge

ევროპის სამეზობლო პოლიტიკის 2011 წლის სამოქმედო გეგემის მონიტორინგი

კონფლიქტებისა და მოლაპარაკებების საერთაშორისო ცენტრი აპროდევის მხარდაჭერით ოთხ არასამთავრობო ორგანიზაციასთან ერთად უკვე მესამე წელია ახორციელებს ევროპის სამეზობლო პოლიტიკის ცალკეული სფეროების მონიტორინგს.

გადასვლა ვებ გვერდზე

2011 წლის 8 თებერვალს გაიმართა კონფლიქტებისა და მოლაპარაკებების საერთაშორისო კვლევითი ცენტრის (ICCN) მიერ გამოცემული წიგნის "რუსეთი და საქართველო : კრიზისიდან გამოსვლის გზები" პრეზენტაცია. გამოცემის ფინანსური მხარდამჭერია შეიარაღებული კონფლიქტების თავიდან აცილების გლობალური ქსელი (GPPAC), რომლის მაკოორდინირებელი ცენტრი მდებარეობს ჰააგაში. წიგნს, რომელიც რუსულ და ინგლისურ ენებზე გამოიცა, ქართველი და რუსი ათი ავტორი ჰყავს. პუბლიკაცია არის სტატიების კრებული, რომლებიც შეიქმნა 2008 წლის აგვისტოს ომის შემდეგ დაწყებული პროექტის სახელად "სტამბოლის პროცესი" ორწლიანი გამოცდილების საფუძველზე. პროექტის ფარგლებში, სტამბოლში გაიმართა ქართველი და რუსი დამოუკიდებელი ექსპერტების რამდენიმე შეხვედრა.

კონფლიქტების ანალიზისა და გადაწყვეტის ინსტიტუტი ქართულ-ოსური პროცესი - "თვალსაზრისი"

2008 წლის დეკემბერში ჯორჯ მეისონის უნივერსიტეტმა უმასპინძლა სამშვიდობო პროცესის - "თვალსაზრისის"ქართველ და ოს მონაწილეებს. შეხვედრა შედგა უნივერსიტეტის კონფლიქტების ანალიზისა და გადაწყვეტის ინსტიტუტის დასასვენებელ/საკონფერენციო სახლში (მეისონ ნექი, ვირჯინია). ამ შეხვედრით დაიწყო დისკუსიების სერია, რომელმაც გააფართოვა მონაწილეთა თვალთახედვა 2008 წლის აგვისტოს ომის შემდგომ დაპირისპირებულ მხარეთა შორის ნდობის აღდგენის შესაძლებლობათა შესახებ. "თვალსაზრისის" შვიდმა შეხვედრამ მის მონაწილეთა შორის მრავალი საერთო პრობლემა წარმოაჩინა, რომელთაც, შესაძლოა, მხარეთა შორის ნდობის აღდგენის პროცესს შეუწყონ ხელი.  ვრცლად . . .

ვებ-საიტი: www.icar.gmu.edu